"المهندسة رودينا دراز تكتب خواطرها الليلية"
هيجي عليك وقت هتلاقي نفسك لوحدك ...
و بتدورعلي السند حواليك....
في زمن كله مصالح....السند بقى نادر..
تخيل بقي ان وسط كل اللمة الي كانت حواليك ..
وقعدة القهوة الي مكنتش بتخلص و السهر للصبح...
و الخروجات الي من كترها نسيت شكل عيلتك و بيتك...
و في الاخر اما جبت تعبت ملقتش السند الي كننت فاكره سند....
و هي دي الدنيا محدش صادق مع حد و الكل بيلعب لمصلحته...
و في الاخر تلاقي نفسك بتقول استحالة صاحبي يعمل كدة....
و ده مش غلط عشان للاسف الجيل بتاعنا اتربي ان الصاحب يعني اخ...
الصحوبية دي حاجة كبيرة, صاحبي ده يعني اهلي هما اهله و اهله هما اهلي ..
و فرحتنا واحدة و حزننا واحد, ده معني الصاحب السند الي بجد اللي مهما الدنيا..
و الايام توديه و تجيبه, عمره ما بيتغير و دايما في ضهرك حتي لو مش موجود بس
مش بينزل التليفون من علي ودنه وهتلاقيه حاسس بيك اكتر من اخوك.....
هتقولولي هو فيه كدة ؟؟؟
هقولكم اه فيه بس للاسف بقوعمله نادرة..
لانهم بقو بيتعدوا علي الصوابع...
يابخت من كان له سند في عز شدته هو ضهره....
يفرح لفرحك و يحزن لحزنك و دايما جمبك في كل وقت....
لاعمره هيمل و لاعمره هيزهق منك عشان انتو الاتنين نسخة من بعض ....
لدرجة ان اي حد يبص ليكم يقول عليكم اخوات من كتر ما انتو شبه بعض...
ساعتها بتبصوا لبعض و تضحكو عشان مش اول مرة تسمعوها
, ومع الوقت هتلاقو نفسكم بتعملو كل حاجة زي بعض...
و ياسلام لو حد منكم راح مكان لوحده هتلاقي نفسك بتتصرف كأنك هو...
و هو العكس بردو عشان انتو اتطبعتم بطبع بعض....
و الي عايز يلاقي حد فيكم يكلم حد منكم هيقولو علي مكان التاني....
و لو حصل خصام بينكم يفضل بينكم لكن قدام الناس انتو سند بعض ...
و دايما في ضهر بعض و عزوة لبعض...
و لو حد جيه يتخانق مع حد فيكم يبقي جيه لقضاه....
و مهما حصل محدش بيعرف الدواخل بينكم ....
حاطين قوانين لنفسكم و مبادئكم واحدة...
وجودكم مع بعض في اي مكان بيبقى ملفت جدا...
وجودكم مع بعض بيحكي عن معني القوة و الهيبة و الكاريزما...
و ممنوع حد يتعدي حدوده معاكم و دايما حاطين حدود للكل...
متعرفوش حاجة اسمها خيانة و لاعداوة ولاغدرعشان انتو عارفين
الاصول كويس و عارفين ان الجدعنة و السند متعرفش خيانة ولا تعرف غدر...
الحياة حلوة اووي مع الناس الي بنحبها مع السند الحقيقي ....
0 تعليقات